Snart siste Radøy-galla

er Helge Bø seier på vegner av arrangørane at dei har bestemt seg for å ta ein pause. Så får tida vise om interessa kjem tilbake i såpass monn at det på ny vert storarrangement med kjente danseband. 10. september kjem Ole Ivars og Aristocats til Manger.Så er det slutt.

Det nest største

Mange er kanskje ikkje merksame på at dansegallaen i Radøyhallen har vore det største kulturarrangementet i Nordhordland etter Knarvikmila. I 11 år no har det vore arrangert to dansegallaer i året, ein på våren og ein på hausten. Desse tilstellingane har trekt mykje folk, faktisk opp mot tusen dansande menneske på det meste, og stort sett ikkje under 800.Til den siste gallaen i vår kom det 640 betalande, og berre ganske få av dei var heimehørande i Radøy eller andre Nordhordlands-kommunar.

 
Lokalsamfunnet sviktar

– Folk kjem lange vegar frå heile Sør-Noreg for å dansa på Radøy, og me får veldig mykje skryt for arrangementet. Men så opplever me at lokalsamfunnet sviktar. Det må me berre ta til etterretning, seier Per Helge Bø.Han vil ikkje stilla seg opp og kjefta på nordhordlendingane. Når dei ikkje kjem, er det eit val dei sjølve tar, og det kan ha ulike årsaker.

 
Musikken i bølgjedal?

– Det er kanskje ein tendens i tida at dansebandmusikken ikkje har heilt den same posisjonen som før, og er nede i bølgjedal. Det er litt vanskeleg å seia. Me kan iallfall ikkje sjå at det er noko gale med arrangementa me har hatt. Folk som kjem utanfrå seier at Manger og Radøyhallen er ein av dei trivelegaste stadene å komma til. Me har i mange år fått mykje godord både frå publikum og artistane, seier Per Helge Bø. Han fortel at dansegallaene på Radøy alltid har gjeve økonomisk overskot, men dei siste gongene har marginane skrumpa kraftig inn. Mesteparten av dei midlane som er tatt ut etter dansearrangementa i Radøy­hallen, har gått til arbeidet i Manger Skulemusikklag, gjennom mange år eitt av landets beste skulekorps.

 
Dyrt å hastore namn

– Utgiftene til å skaffa artistar har etter kvart vorte så høge at økonomien i arrangementa våre ikkje kan gå rundt på ein tilfredsstillande måte. Publikum forventar at me skal stilla med dei mest framståande namna på plakaten, og då vert det kostbart.Bø er inne på at arrangørane på sett og vis kanskje har lagt lista for høgt når dei har henta artistar.Viss toppgrupper som Lasse Stefanz og Ole Ivars stadig vekk kjem tilbake, vert dei etter kvart ikkje like store namn som før. Det kan vera noko der. – Me må iallfall veta at me sit att med noko etter alt det dugnadsarbeidet som vert lagt ned for å arrangera ein slik dansegalla, seier Bø.

Meir i Strilen si papiravis tysdag