Snøkaos

Trafikken stod i stampe både her og der i morgontimane i dag. Kaoset byrja i 7-tida då ein bil kjørte seg fast i bakken frå Isdalstø og opp til Knarvik, og køen forplanta seg i fleire retningar.

– Me har sendt ut folk for å dirigera trafikken. Ein lastebil utan kjettingar kjørte seg fast i bakken og skal ha glidd baklengs ned bakken og vart ståande, melder Lars Geitle i Nordhordland lensmannsdistrikt.

Han seier at politiet ikkje har fått melding om andre hendingar i trafikken.

– Det er nok føret og uhellet i bakken i Isdal som har skulda for køane rundt Knarvik, seier han til Strilen.

I dag tok det ein time frå Ikenberget til Knarvik, og Strilen har fått melding om folk som har brukt både ein og to timar med bil på strekninga Knarvik-Bergen.

Lastebilen i gymnasbakken vart henta av bergingsbil og kjørt frå staden klokka 9.30. Då stod framleis køen heilt til Åse. I følgje politiet vil bilføraren verta meldt for ikkje å ha skodd bilen skikkeleg for føret.

Det er også meldt om vanskelege kjøreforhald og lågare fart enn normalt på andre vegar i Bergens-område som følgje av snøfallet i natt og i morgontimane.