Sommarleg november, men ekstremveret slo til

? Eg er ganske gammal, men eg kan ikkje minnast tidlegare å ha roser i blomst og knopp så langt ut i november, seier Romslo (60+), som bur like ved «gymnaset» i Knarvik.

Ved 12.45-tida søndag skein sola fint i hagen både hjå Romslo og andre stader. Og å finna roser i blomst var ikkje vanskeleg.

Blant anna kunne Romslo, barnebarnet Valeria Lambu Kvamme og nabosøstrene Regina og June Elise Sandven visa fram miniatyrrosa Tommelise. Den blomstra framleis ganske bra.

? Og sjå her er det mange nye knoppar. Rosene vert lurte av temperaturen, påpeikar Romslo. Han kan og visa fram andre roser som har sett nye knoppar.

Også på Ikenberget kan folk gå lettkledde i hagane sine og nyta solskinet. Der er Bente Litleskare blant dei som framleis har ei rose i blomst. Ashram R står det på namnelappen.

? I fjor blomstra denne rosa ut i oktober, men blomstring i november må vera nokså spesielt, seier Litleskare.