Song i Grieghallen

Barnas Festspilldag er ein populær del av festspela i Bergen. Born og unge frå heile Hordaland fekk opptre med song, musikk og dans på fleire ulike arenaer i Bergen. Men det er ikkje alle forunnt å få sjansen til å delta på festforestillinga i Grieghallen. Det er mange som vil prøva seg og arrangørane stiller strenge krav til kvaliteten. Difor var det stor stas at Lindås Kulturskule fekk delta med to utøvarar med kvart sitt songinnslag.

Veldig kjekt
? Det er veldig kjekt å få prøva. Me gler oss til å synga, sa Solveig Gilborne og Pernille Wiik Berg til Strilen, knappe ti minutt før dei skulle i elden torsdag.
Det var ikkje fritt for at dei hadde ein og annan sommarfugl i magen, men dei let seg ikkje skremma. Begge to har vore songelevar hjå Kjersti Wiik i vel tre år og har fått tid til å opparbeida seg ein del sceneerfaring. Pernille Wiik Berg har fått prøva scena i Greighallen tidlegare då ho var med under Ungdommens kulturmønstring. For Gilborne derimot er Grieghallen ei ny oppleving.

Laga demo
Jentene har hatt øvd jamt i lang tid. I februar/mars spelte dei inn ein demo som vart sendt inn til vurdering og i april kom svaret.
?Du kan tru det var stor stas då kulturskulerektor i Lindås ringde og fortalde at begge to var plukka ut til å vera med. Det er første gong nokon av mine elevar har søkt om å få vera med. Dette var ei gledeleg overrasking, seier Kjersti Wiik og fortel at jentene jobbar målretta og bra.
Ho meiner at konserten er ein viktig motivasjonsfaktor. Før festforestillinga fekk jentene mellom anna rettleiing av Leif Egil Vatnøy som har regien for showet.
? Det er kjekt og nyttig at jentene får delta i eit slikt stort og profesjonelt show, seier Kjersti Wiik

Stor applaus
Peer Gynt-salen var fullsett då festspeldirektør Per Boye Hansen gjekk på scena for å ønskja velkommen til eit flott og variert program. Publikum kunne gle seg over både hornmusikk, dans, felespel og mykje song. Både Solveig og Pernille klarte utfordringa med glans. Solveig song Tirn à noir, medan Pernille framførte «Wade in the water». Songane har jentene valt ut i samarbeid med Kjersti Wiik. Etter endt framføring fekk alle utøvarane koma opp att på scena for å få ståande applaus frå publikum.