Stal lavvoen frå barnehage

STOLEN: Her er lavvoen som vart stolen.

? Eg trur han gjekk oppover der, for skoa går den vegen, er åstadsrapporten frå Anna Hindenes.
Saman med dei andre borna i Eknes barnehage er ho på tur til lavvoen.
Det er berre det at lavvoen ikkje er å sjå. Det einaste som står att er kubbane som borna brukte å sitja på når dei naut tomatsuppa inne i lavvoen.
? Kvar er pinnane som har vore fast i teltet, spør Håvard Vatshelle.
? Det står ein der, seier Anna Hindenes.
Og heilt rett så står det att nokre teltpluggar etter tjuveriet, den eller dei som tok lavvoen har ikkje fått med seg alle.

Lavvoen vart kjøpt inn av barnehagen i fjor, og var mykje nytta utover hausten. Tjuveriet vart oppdaga førre veke. Sannsynlegvis var det førre helg at lavvoen forsvann, fortel styrar Britt Gjelsvik.
? Dei er fæle, dei som stel, sler Isabel Myking Eide fast.
Lavvoen kosta kring 5.000 kroner i innkjøp.
? På Pelle Politibil har eg sett om noko som heiter sykkeltjuvar. Det er dumt at dei stel ting, seier Anne Hindenes.