Stal rektor sin mobil

? Dei har stole lommeboka, mobiltelefonen og ein bærbar pc, seier Aarvik.

Han sat i møte på skulen då innbrotet fann stad.

? Tjuveriet har skjedd mellom klokka fem på sju og kvart på ni om kvelden, seier han.

Først trudde skulen at tjuvane hadde kome seg inn gjennom eit vindauge som stod på gløtt på rektorkontoret.

? Men det ser ut til at dei har brote seg inn gjennom tre dører, truleg med eit lite brekkjern. Det er mogleg at dei har kome seg ut gjennom vindauget, seier rektoren.

Tjuvane har stole ei svart veske, som dei truleg har nytta til å bera tjuvgodset i. Lommeboka og mobiltelefonen tilhøyrde Aarvik, medan pc-en var skulen sin. Heldigvis har ikkje viktige dokument gått tapt som følgje av pc-tjuveriet.

? Me lagrar alt på serveren på kommunehuset, seier han.

Ein har førebels ikkje mistenkte i saka. Men Terje Hugo Aarvik meiner det ikkje kan ha vore elevar ved skulen.

For kring eit år sidan kom nokon seg inn på personalrommet på skulen gjennom å bryta opp eit vindauge. Men då vart det ikkje stole noko.