Startar barnehage på Tveit

? Det er for lite småbarnsplassar her i området. Eg trur og at det er bra for dei minste borna å gå i ein liten barnehage som dette, seier van der Kooij.
Sidan barnehagen skal liggja på ein gard, verT namnet på barnehagen Lita-god.

Samarbeid
Prosjektet vert starta i nært samarbeid med Blåklokka barnehage, og det er og styraren der Rigmor Sletten som vil vera styrar i familiebarnehagen. Van der Kooij har også arbeidd ein del i Blåklokka, så dei to har eit samarbeid alt no.
? Det er berre ei småbarnsavdeling i dette området, og det er godt med eit slikt alternativ, seier Sletten. Van der Kooij fortel at dette samarbeidet gjer at borna kjenner personalet når dei vert eldre og flyttar frå familiebarnehagen til Blåklokka barnehage.

Kontakt med dyr
Barnehageetableraren har tidlegare vore bonde, men driv no i mindre målestokk med villsau. Ho har og både arbeidd i Blåklokka barnehage og ein familiebarnehage tidlegare. Ho trur det er fint at borna får kontakt med dyr, og planlegg også å få fleire dyr på garden. Eit kopplam kan til dømes vera aktuelt. Men høns og andre fjørkre må ein dessverre styra unna i desse tider.
? Me legg elles vekt på identitet og heimstadkjensle. Me vil at borna skal slå rot i Vestbygd ? at dei vert kjende med og glade i heimbygda si, seier van der Kooij.

Plass til ti born
I tillegg til Van der Kooij sjølv, vil det arbeida ein barne og ungdomsarbeidar i familiebarnehagen og mogleg ein assistent i 50 prosent stilling. Dei vil og kjøpa pedagogiske tenester frå Blåklokka barnehage. Det skal vera plass til opp til ti born i alderen 0 ? 3 år.
Barnehagen vil ha lokale i våningshuset på garden, i tillegg til eit tilrettelagt uteareal. Dei har ikkje vorte ferdige med planlegginga før nyleg, slik at dei ikkje har vore med i det samla barnehageopptaket i Meland. Men dei vil om kort tid annonsera tilbodet, slik at foreldre kan visa si interesse.