Sterk innsats på Bislett

?  Eg var blant dei inviterte med dårlegast personleg rekord, så dette er eg tilfreds med, sa Emil Andre som hadde over 2,05 som personleg rekord då han kom til Bislett.
Han vaks tydeleg på publikum og det internasjonale stjernegalleriet.

? Mykje betre no
? Den personlege rekorden min er frå i fjor. Dette viser berre at eg er mykje betre no, understrekar han.
I fjor slo Emil Andre gjennom då han vann 600 meter under dei regionale ungdomsleikane i Haugesund.
I vinter tok han NM-sølv innandørs både på 800 og 1500 meter i sin alderskasse.
?    Framgangen ser berre ut til å halda fram. Dette håpar eg kan bli riktig bra, understreker han. AKS-guten har UM (NM for yngre) og verdsungdomsspelen i Gøteborg (7-9/7) som sesongens høgdepunkt.
?  Her har me ein nasjonal og ein internasjonal konkurranse å sjå fram mot, seier han.

Stor oppleving
Emil Andre understrekar at det var ei stor oppleving å få springa på Bislett. Det var veldig stort berre å få klarsignal, synest AKS-talentet.
? Eg sprang i helga i 15-16. Under NM har me eigen klasse for 15-åringar. Så feltet eg møtte i helga, er langt tøffare enn det eg vil møte under UM på Sandane i haust, fortell han. Han understrekar at dette var utelukkande ei positiv oppleving.
  ?    Det var stort. Ramma var ei heilt anna er det me er vane med, presiserte han.
Før start hadde Emil Andre ein personleg rekord som var fem sekund bak dei beste. I helga blei han slått på oppløpet. Det skilde berre tidelar fram til vinnaren.
?Eg skulle meir enn gjerne vunne, men dette er eg likevel svært tilfreds med, avslutta han.