Stolen bil brann opp på Eknes

Ein gammal personbil av merke Opel Kadett stod torsdag morgon i full fyr på eit jorde like ved avkøyringa til Eknes. Både brannvesen og politi rykte ut, og brannen vart sløkt, men ingen personar var å sjå i eller ved bilen.
Bilen vart totalt utbrend i brannen.

Stolen
? Det me veit, er at bilen var avskilta og stod parkert ved Myhren Jernindustri i Eikangervåg, seier politiførstebetjent Terje Hilland ved Lindås og Meland lensmannskontor til Strilen..
Eigaren veit ikkje korleis bilen har hamna på Eknes, og det er heilt utelukka at det er han som har køyrt bilden dit.
? Bilen er nok stolen, men om han tok fyr eller tjuvane har sett fyr på han med vilje, veit me ikkje, seier Hilland.

Fleire brannar
Politiet er interesserte i å koma i kontakt med folk som har sett noko mistenkeleg i det aktuelle området.
¬? Det har vore fleire mindre brannar i dette området i det siste, mellom anna i søppeldunkar. Me veit ikkje om det er brannstiftarar på ferde, seier Hilland.
I alle fall er brannen ganske mistenkeleg.