Stor auke i Fedje-trafikken

Kanskje det er det fine veret som har ført til at langt fleire bilistar fann  vegen til Fedje i august i år enn august i fjor.

Lite passasjerar
I alle fall har sambandet Sævrøy - Fedje ein auke i bilar på 9,4 prosent. Auken er tre gonger så stor som gjennomsnittet på HSD sine ferjeruter totalt. I år vart det frakta 3.880 bilar, mot 3547 i fjor.
Men det kan ikkje ha vore så mange folk i bilane i år, for talet på passasjerar gjekk berre opp med 0,6 prosent, frå 10.115 til 10.176.

Fensfjorden
Sambanda i Fensfjorden hadde ein auke i biltrafikken på 2,6 prosent i august samanlikna med fjoråret.
Nesten heile auken er det strekninga Leirvåg - Skipavik som står for.
Der gjekk trafikken opp med 15,5 prosent.
Strekninga Sløvåg - Skipavik hadde ein liten auke på 1,1 prosent, medan hovudsambandet Leirvåg - Sløvåg hadde nedgang på 2,3 prosent.
Totalt vart det frakta 15.008 bilar i år mot 14.632 i fjor.
Det var også ein liten auke i talet på passasjerar med 1,3 prosent frå 29.835 i fjor til 30.229 i år.