Svake plasseringar i brass-NM

Men begge dei to lokale korpsa fekk strålande kritikkar frå publikum etter framføringane sine. På nettstaden fourbarsrest.com, tippa deira fagjury og Manger på første, Eikanger på andre og Stavanger på tredje plass etter sjølvvald nummer laurdag. Etter spelinga av pliktnummeret på fredag tippa dei Stavanger på første, Eikanger på andre og Manger på tredje. Samanlagt tippa dei Eikanger, Manger og Stavanger i den rekkjefølgja. At Stavanger Brass Band vann, var difor inga stor bombe, og korpset leverte to gode framføringar. Den største overraskinga var at Manger Musikklag kom heilt nede på sjette plass.
Elles er det fleire korps som gjorde solide framføringar, og nivået i eleitedivisjonen ser ut til å verta høgare og høgare. Interessa for brass-NM ser og ut til å vera aukande, og det var fullsett Grieghall då dei tre nemnde korpsa spela sine sjølvvalde nummer laurdag.
Radøy Brass og Oster Brass kom på sjette og sjuande plass i 1. divisjon, så heller ikkje der vart det noko topplassering å gleda seg over for folk i Nordhordland.
Det femte korpset frå Nordhordland som deltok i årets NM, var Austrheim/Lindås Musikklag, som kom på ei delt 4. plass i tredje divisjon.
Strilen kjem tilbake med ein større reportasje om saka i avisa tysdag.