Syklist slapp heldig frå påkjørsel

? Etter kontroll på Haukeland Universitetssjukehus var det slått fast at han ikkje hatt fått brot. Eg var vitne til det som skjedde og må berre seia at han slapp utruleg heldig, seier Bernt Olav Fjellanger.
Fjellanger er arbeidskamerat av den 31 år gamle syklisten, som var på veg til jobb då ulukka skjedde på Rv 57 på Lauvås. Det same var Fjellanger, som kom i bilen bak den som køyrde på.
Fjellanger opplyser at han ringte etter ambulanse på 113 kl. 07.22. Ein ambulanse frå Austrheim var på plass etter berre kring ti minuttar, seier Fjellanger.
Han synest det tok lang tid før politiet var på plass. Så vidt han noterte, skjedde det kl. 08.25, vel ein time etter at ulukka var varsla.

? Etter det eg observerte, landa mannen stygt etter at han var kasta av sykkelen Eg skritta opp tolv skritt frå staden han vart truffen til der han vart liggjande, seier Fjellanger. (Biletet viser delar av sykkelen som hadde kome under bilen).
Ulukka skjedde ved ei busslomme heilt på slutten av 60-sona på Lauvås kort før kl. 07.30 torsdag morgon. Syklisten kunne hentast av kona på sjukehuset litt etter klokka 15.00 same ettermiddag.
Fjellanger opplyser at kameraten har fått sova bra utan smertestillande natt til fredag, men at han er nokså forslått.
? Eg har enno ikkje avhøyrd føraren av bilen som køyrde på syklisten. Saka vert oversendt til politiet i Bergen sidan føraren er heimehøyrande der. Alt tyder på at han har brote paragraf 3 i Vegtrafikklova, at ein ikkje har vore aktpågivande og varsam nok, slik at ein valdar skade eller det oppstår fare i trafikken, seier politibetjent Svein Arne Hatlevik. Men han påpeika i går ettermiddag at han ikkje kunne seia nøyaktigt kva som har skjedd.
? Kritikk mot at politiet var seint på staden finn eg urimeleg. Eg vart tildelt ulukka, og politiet skal også halda seg etter trafikkreglane og kan ikkje køyra urimeleg fort, seier Hatlevik.
Jan Eirik Feste, som bur på Lauvås, opplyser til Strilen at det vert jobba med å få gangveg/sykkelsti langs riksvegen på strekninga. Så langt har fleire bedrifter stillt seg positiv til å gå inn med pengar.