Tilrår å leggja ned Gjenbruksstasjonen

Frå same tidsrom skal stasjonen i Kjevikdalen verta utvida til å ta mot auka avfallsmengder.
Det er varsla ei eiga sak om kor store investeringar det er snakk om å gjera i Kjevikdalen dersom stasjonen i Knarvik vert lagt ned.
I ei oppsummering peikar administrasjonen på at nedlegging vil gje naboane i Knarvik betre butilhøve. For kundane vil det totalt sett gje reduserte kostnader å kutta stasjonen i Knarvik, heiter det i grunngjevinga.
Bygging av ein stasjon i industrifeltet i Alverområdet kan vurderast når tomter der vert lagt ut for sal, vert det peika på. Ei slik løysing kan vera aktuell dersom det vert bygd ny riksveg bak Isdalstø.
Sal av Knarvik gjenbruksstasjon vil venteleg gje ein god eingongsgevinst i forhold til bokført verdi. Dette er ikkje kalkulert med i utgreiingane.