Tilsette overtek Reklamehuset

? Kjell Mellingen har lenge snakka om at han vil trappa ned for å få tid til andre prosjekt, og då fann me andre tilsette ut at me ville gå inn som medeigarar, seier Lisbeth Kårstad til Strilen.
Reklamehuset vart starta for snart 20 år sidan av Kjell Mellingen. Han skal framleis vera dagleg leiar der, men no har dei fire fast tilsette overteke 20 prosent av aksjane kvar, slik at Mellingen sit att me 20 prosent. Dette skjedde frå oktober.
? Det var snakk om at andre skulle overta, og då bestemte me tilsette oss for å gå inn i staden, seier ho.

Meir ansvar
Drifta vil stort sett halda fram som før, men i og med at dei tilsette no er medeigarar, vert ansvaret større, seier Kårstad, og får støtte av Christer Lieske, som er marknadssjef.
Dei tilsette har berre kjøpt seg inn i produksjonsselskapet. Mellingen eig framleis huset der Reklamehuset Produksjon AS held til.

Moderne
Reklamehuset Produksjon AS lagar skilt, brosjyrer, bilreklame, annonsemateriell, logoar og alt som har med profilering av verksemder å gjera. Dei har kundar på begge sider av Salhusfjorden. Dei held til i nye lokale i kjellaren på Reklamehuset.
? Og me har det meste avanserte utstyret som er på marknaden på fleire område, seier Lieske.
Mellom anna kan dei laga svært store skilt med firfargetrykk.

Opp og ned
I 2005 gjekk verksemda med ganske stort underskot, men det har gått betre i år, seier Lieske.
? I denne bransjen går det opp og ned.
Kårstad understrekar at dei har ein svært stabil kundemasse, og at kundane stort sett ikkje vil merka noko til omlegginga på eigarsida.