Tiltakspris til Meland

Dette er ein heiderspris som skal premiera nytenking i arbeidet med regjeringa sin strategi for bustadslause: «På vei til egen bolig».
To prosjekt fekk pris og 75.000 kroner kvar under utdelinga i kulturkyrkja Jakob i Oslo i går, dette var i tillegg til prosjektet i Meland eit prosjekt i Oslo i regi av Kirkens Bymisjon og Røde Kors. 
? Dei to vinnarprosjekta er så gode at eg er glad me fann pengar på budsjettet til å premiera begge, sa underdirektør Bente Osnes i Husbanken Region øst i samband med utdelinga.
Det er Husbanken som koordinerer regjeringa sitt arbeid for bustadslause.

Eigen bustad
Sjølvbyggjarprosjektet i Meland kommune tek utgangspunkt i kommunen sin overordna visjon om eit samfunn for alle. Gjennom eigeninnsats i form av sjølvbygging legg kommunen til rette for at ungdom lettere får innpass i bustadmarknaden, samstundes som vanskeligstilte kan få viktig yrkespraksis og utdanning. 30 prosent av deltakarane er vanskelegstilte.
   
17 tiltak foreslått
17 ulike tiltak var nominert til prisen. Juryen såg nærare på fire av desse, og to fekk til slutt pris og pengar.