Tiltalt for forsettleg drap

Mannen har vore varetektsfengsla sidan hendinga i ei arbeidsbrakke på Frekhaug 3. mars. 44-åringen skal ha vedgått at han heldt hagla då skotet gjekk av, men hevdar at han ikkje planla eller tenkte på å drepa Bakkebø, skriv Bergens Tidende.
Politietterforskinga vart avslutta i oktober, og politiet innstilte då på tiltale for forsettleg drap. Dette har no Riksadvokaten slutta seg til, og dette vert tiltalen når saka kjem opp i retten.
44-åringen skal i avhør ha sagt at skotet gjekk av ved eit uhell, og forsvarar Per Magne Kristiansen seier at mannen erkjenner eit aktløyseansvar i samband med av med et uhell.
Tiltalen på forsettleg drap har ei strengare strafferamme enn kva mannen kunne venta seg dersom tiltalen var aktlaust drap.
I tillegg til drap, er 44-åringen også tiltalt for brot på våpenlova, skriv Bergens Tidende. Mannen hadde ikkje løyve til å eiga hagla han hadde med til brakka på Frekhaug.
Saka kjem opp i Nordhordland tingrett i desember, med start måndag 4. desember. Det er sett av fem dagar til saka.