Tjuveri av 60 brøytestikker!

? Eg veit dei gamle bambusstikkene var populære til å støtta opp blomar med i si tid, og at dei raude i oppkutta form har blitt brukte til merking av turstiar. Men kva folk skal med svarte plaststikker med refleks på, forstår eg ikkje heilt, seier politiførstebetjent Bernhard Krokås ved Masfjorden lensmannskontor. Han har også høyrt at dei raude plaststikkene som var brukte før dei svarte, i enkelte høve har gjort nytte som trekkerør. Men då snakkar me ei eller to stikker ? ikkje seksti.
Mesta har undersøkt i terrenget der det merkelege tjuveriet har funne stad, men ikkje ei stikke er gøymt eller gløymt. Dermed står politiet heilt utan spor i brøytestikkemysteriet som har rysta halve, for å ikkje seia heile Masfjorden.
No håper politiet og Mesta at folk heldt augo opne og tipsar politiet dersom dei skulle få auga på eit lager av brøytestikker på ein plass Mesta neppe ville brukt.
For anten ein vil det eller ei, kjem snøen før eller sidan, og då kunne det vera kjekt for brøytebilen å ha noko å styra etter. Dessutan ville det vore grådig kjekt å fått vita kva heile seksti brøytestikker skulle brukast til.