To nye NM-gull til Radøy

? Eg hadde eigentleg tenkt å klara litt meir, kanskje 210 kilo. Men benken me brukte var litt uvant, seier den nybakte noregsmeisteren på telefon heime frå Nordre Austmarka på Radøy.
NM-gullet tok Alexander Steinsland i Moss laurdag, der han deltok saman med ein liten tropp frå Radøy. Førebels har han ingen pokal å visa fram for topplasseringa i ungdomsklassen. Premieutdelinga var så seint at ein del av dei lokale løftarane hadde lagt på heimveg.
Ein kamerat som går på skule i Sogn har tatt vare på pokalen, som han tek med seg til Radøy til helga.

Aktiv i 10 månader
Frå før har Jarle Steinsland eit KM-gull å visa til, etter å ha vore aktiv innan styrkeløft i ti månader.
? Men eg har trent med vekter og vore interessert i styrkeløft sidan eg gjekk på ungdomsskulen, fortel kraftkaren frå Radøy. Steinsland er for tida lærling ved RadøyGruppen på Vetås.
Tidlegare dreiv han også med knebøy og markløft, men ein forskyvning i ryggen hindrar at han i å driva desse øvingane no. Dette gjer at det berre er benkpress han kan satsa på no.

Tre økter for veka
Formen held Alexander ved like gjennom tre treningsøkter for veka på treningsstudio i Knarvik.
? Eg trenar om lag halvannan time kvar økt. I dag ligg eg 20 kilo under verdsrekorden i ungdomsklassen. Eg veit ikkje kven som har rekorden, men kjem til å prøva å slå han før eg vert junior frå nyttår, seier den nybakte noregsmeisteren.
Han føler at han per dato i alle høve har 210 kilo inne.
Neste år reknar han med tøffare konkurranse i juniorklassen.

Ny gull til Erstad

Ein gull, ein sølv og tre bronse er fasit etter to dagar med friidrett på Sandane stadion i Sogn og Fjordane.
Ikkje overraskande kneip Emil André Erstad (i midten på biletet over) gullet på 800 meter. Denne gongen vart det eit lureløp der Erstad avgjorde i spurten.
? Emil André tok også sølv på 1000 meter. Her var vinnaren så suveren at det ikkje nytta å halda følgje. Men Emil André er likevel godt nøgd etter å ha persa seg med ni sekund på denne distansen, seier lagleiaren.
Den eine av tre bronsemedaljar gjekk til Sandra Sudmann i diskos. Dei to andre ordna Heidi Ann Bruknapp, på 100 og 200 meter.
? På begge distansane var det knapp margin til sølvet, opplyser Harald Oland Øvretveit.AKS-77 hadde også med eit jentelag på 1000 meter stafett der Solvor Osland Øvretveit, Sigrid Johansen, Heidi Ann Bruknapp og Lisbeth Neteland deltok. Laget sprang inn til ein fjerdeplass. Neteland gjorde også ein bra innsats på 800 meter. Kristoffer Eidsnes vart utslått i forsøket på 100 meter.