To på sjukehus etter bilulukke

Tre bilar var involverte i bilulukka, og eine føraren har fått beslaglagt førarkortet, opplyser Johannessen. Men han kjende ikkje til årsaka til dette, og hadde laurdag ingen ytterlegare detaljar om kva som har skjedd. Politiet fekk melding om bilulukka klokka 16.13 laurdag.
Dei to skadde er ein mann på 53 år og ein gut på seksten år. Ved Haukeland universitetssjukehus får Strilen opplyst at begge var utskrivne laurdag kveld.
Etter det Strilen kjenner til, skal to av dei involverte bilane ha vore på veg utover i Meland og den tredje på veg innover mot Knarvik. Den eine bilen kjørte etter ulukka vekk av eiga maskin, den eine vart henta av ein traktor, og den tredje vart henta av redningsbil. Bilen på bildet, ein heilt ny Toyota Hiace, fekk seg ein skikkeleg smell, spesielt framme på venstre sida.