Tok kona sitt slektsnamn

? Kvifor skal det vera sjølvsagt at kvinna skal ta mannen sitt namn? Samfunnet er tydeligvis litt patriarkalsk enno, seier Wendel.

Då den nyutdanna presten i haust gifta seg med Lisa Wendel, valde han å gjera noko ikkje mange andre gifte menn gjer. Han har nemleg tatt kona sitt slektsnamn i tillegg til sitt eige.

Litt ramaskrik

? Det var mange grunnar til at eg valde å ta hennar namn. Eg følte mellom anna at ho hadde strekt seg veldig langt for meg. Ho flytta til vesle Frekhaug fordi eg fekk jobb her. Me ville ha same etternamn og snakka litt att og fram. Slik at ho ikkje skulle gje vekk alt som var seg sjølv, fann eg det heilt naturleg å ta hennar namn, seier Wendel.

Familien hadde derimot større problem med å akseptera at slektsnamnet vart nedprioritert.

? Det vart litt ramaskrik heime. Dei fekk nesten ikkje sova. Til og med folk utanfor slekta reagerte. Men eg var sikker i mitt val, og let meg ikkje rikka av slikt, seier han.

Svakt av norske menn

Ei undersøking frå Statistisk Sentralbyrå viser at berre tre prosent av gifte menn har vald same namneløysing som Wendel. Sju prosent endra namn då dei gifta seg. Av dei som endra namnet, tok tre prosent kona sitt namn i tillegg, og tre prosent valde å berre behalda kona sitt slektsnamn.

? Eg synest det er svakt av norske menn at så få tar kona sitt slektsnamn. Det er liksom sjølvsagt at kvinna skal endra namn, men kvifor i all verda er det slik? seier Wendel. Undersøkinga viste òg at berre ein prosent valde å ta i bruk den nye namnelova som gjev høve til å laga eit felles etternamn.

? Det vurderte me ikkje å gjera. Ho skal ikkje ha mitt namn, og om det skulle verta slik at me i framtida får born, så skal dei berre heita Wendel.

Den bevisste presten er klar i sin bodskap til dei som ikkje vurderer å ta kona sitt namn.

? Opp med konene seier eg! avsluttar Wendel.