Tørt for sauene

? Eg var ein tur i fjellet torsdag i førre veke, og då var det ekstremt tørt. Eg trur ikkje eg har opplevd det så tørt før. Stader der det vanlegvis ligg dammar med smeltevatn, var heilt ut-tørka, fortel Johan Albert Sudmann frå Flatøy i Meland.
Han har sauene sine på Nygard i Modalen. Sudmann var i fjellet igjen i begynnelsen på denne veka, og då hadde regnet gjort at det hadde vorte noko meir vatn. Men Sudmann trur likevel at beitesesongen i fjellet kan verta kort i år.
? Med lite vatn og varmt ver kan hausten koma tidleg, seier han.
Det vert i alle høve ikkje slik som i fjor, då beita heldt seg fine til langt på hausten.
Varme somrar er heller ikkje dei beste for å få store lam.
Når det er varmt, ligg sauene mykje i ro og et rett og slett ikkje noko til at lamma skal veksa seg store.
? Eg tvilar på at 2006 vert noko rekordår når det gjeld lammevekter, seier Sudmann.
Strilen har også kontakta Reidar Kallestad, som har sauene i Stordalen i Masfjorden.
Han fortel at han ikkje har sett problem med tørke der, men han trur det kan vera store lokale variasjonar, fordi regnet har kome som lokale byger.
Kallestad ventar seg heller ikkje spesielt store lam i år på grunn av varmen.