Trafikkulukke på Rv 57

Minst ein person var alvorleg skadd i ei trafikkulukke på Rv 57 i dag tidleg. Ein person vart send til Haukeland universitetssjukehus med luftambulanse. To andre personar vart og skadde og sende til Haukeland for observasjon.

Alvorleg skadd
Haukeland Universitetssjukehus sende klokka 13.00 ut denne meldinga om tilstanden til dei tre skadde:
«Tre personar er brakt inn til Haukeland Universitetssjukehus etter ei trafikkulukke ved Isdalstø måndag morgon.
Tilstanden til dei tre personane:
? Mann 47 er alvorleg og stabil. Er operert.
? Mann 19 er kritisk og stabil. Får intensivbehandling.
? Mann 21 er lettare skadd og stabil. Blir utskriven i løpet av dagen».

Feil køyrebane
Ein varebil og ein liten lastebil var innblanda i ulukka. Lastebilen kom  sørfrå, medan varebilen kom mot Knarvik.
? Varebilen berre skar over i motsett køyrebane. Me veit ikkje kvifor, sa førstebetjent ved Lindås og Meland lensmannskontor Terje Hilland til Strilen på ulukkesstaden.
Det var to personar i den eine bilen og ein i den andre.
Trafikken forbi ulukkestaden vart hindra i lengre tid. Først ved åttetida gjekk trafikken som normalt, men på grunn av ferietid var ikkje trafikken så stor.