Travelt for politiet

Hordaland politidistrikt hadde 1. nyttårsdag midt på dagen ikkje fått meldingar om brannar eller skadar på grunn av fyrverkeribruk i Nordhordland og Gulen. Men det kom inn mange klagar frå publikum frå heile regionen på grunn av rakettoppskyting i helga.
? Det vert skote opp rakettar i hytt og ver. Men det gjeld heile fylket, seier Johannessen.

Rimeleg roleg
Samla sett kan det sjå ut som om at nyttårsfeiringa har gått rimeleg roleg for seg i Nordhordland, sett ut frå det som er meldt inn til Hordaland politidistrikt. Det er heller ikkje meldt om promillekjøring nyttårsaftan. Johannessen seier at politiet har hatt mange utrykkingar. Mellom anna på grunn av uforsiktig og ulovleg oppskyting av rakettar. Men når politiet kjem til staden, har gjerningsmennene stort sett fordufta.

150 oppdrag
Frå midnatt og fram til klokka 08.00 1. nyttårsdag hadde politiet knytt til Hordaland politidistrikt 150 oppdrag.
? Når det er så travelt får me ikkje tid til å ta tak i dette med rakettane, seier Johannessen.
I Bergen sentrum er det forbode med oppskyting av rakettar bortsett frå enkelte område. Men mange bryr seg ikkje om dette, og skyt opp rakettar der det passar dei, fortel han.
Foldnes skule i Fjell tok til å brenna, og rask innsats frå naboar hindra ein storbrann, melder BT.no. Ein rakett vart teken av vinden og førte til at det tok fyr i ein garasje i eit hus på Søre Bildøy, melder avisa.