Tre av fire utan bilbelte

? Denne gongen fekk dei berre tilsnakk, men neste gong vert det bøter, seier politiførstebetjent Svein Arne Hatlevik etter ein bilbeltekontroll på Fedje i går føremiddag.
Under ein kontroll i krysset ved butikken på Fedje viste det seg at 75-80 prosent av bilførarane køyrde utan bilbelte.
? Det var ikkje så mange bilar me kontrollerte, men dette var svært nedslåande, seier Hatlevik.
Han fryktar kontrollen avdekkar korleis stoda er på Fedje når det gjeld bruk av bilbelte.
? Det er dei same reglane som gjeld i trafikken på Fedje som andre stader i landet, og skadane kan verta store sjølv om farten ikkje er så stor viss der vert ein kollisjon eller utforkøyring, påpeikar Hatlevik.
Han fortel at han nyleg var på kurs om kor store personskadar som kan oppstå ved ulukker, alt etter kor stor fart bilane har.
? Utan bilbelte er sjansane små viss farten er 60 km/t, og sjølv i 50 km/t kan skadane vera alvorlege, seier han.
Han håpar no at folk på Fedje oppfattar alvoret og brukar bilbelte. Og han lovar nye kontrollar.