Tre nye med svart belte

? Tolmod, kunnskap  og disiplin, gjev Tonje Vollset frå Knarvik som litt av oppskrifta på å koma så langt at ein har gjort seg fortent til graderinga svart belte første dan innanfor karateretninga Goju-kai.
Vollset fekk denne gradeinga då shihan Ingo de Jonge frå Sverige var i Knarvik i helga og  føretok graderinga av medlemene i klubben. Ho er den første kvinna som får så høg gradering i klubben i Knarvik, og den tredje på landsbasis.
To menn fekk same gradering: Jan Ove Bergesen og Geir Anders Kolås, begge frå Frekhaug.

Driv godt
Ingo de Jonge tykkjer Nordhordland Karateklubb driv godt, og han delte ut mange graderingar til utøvarar i klubben i helga, både vaksne og born.
Under graderinga skal ein visa både ulike kampmønster og den rette innstillinga.
Kartaeretninga Goju-kai omfattar både kampsport og ikkje-kontakt, der ein kjempar mot ein tenkt motstandar.
? I Goju-kai skal du ikkje berre tenkja på deg sjølv, men læra bort det du kan, til andre, seier de Jonge.
Det skjer i klubben i Knarvik, meiner han.

Trena lenge
For å verta god i Goju-kai trengst det lang tids trening, der ein først må læra seg dei grunnleggjande teknikkane. Tonje Vollset fortel at ho har drive med karate i over ti år, og dei to andre som fekk svart belte, har drive endå lenger.
Svart belte bryr at du har kome over opplæringsstadiet, men det er mange grader att til topps. Dei tre i Knarvik har oppnådd graderinga første dan, men graderinga går heilt til niande dan, fortel dei.
? Motorikk og disiplin er ein del av treninga, men me legg også vekt på respekten for medmenneska våre. Å driva Goju-kai skal ikkje berre avspegla seg på treninga, men i måten du lever på, seier Jan Ove Bergesen til Strilen.
Nordhordland Karateklubb har over hundre medlemer frå åtte år og opp i godt vaksen alder.