Treng meir pengar

Plan- og prosjektgruppa for Knarvik-kyrkja har fått støtte frå Lindås kyrkjelege fellesråd til ei utbygging der både hovudetasjen og kjellaren vert gjort ferdig i første byggetrinn.
Men då trengst det meir pengar, millionar som sannsynlegvis må koma frå kommunen i ei eller anna form. 

Då det onsdag kveld var informasjonsmøte i Knarvik om prosjektet, lanserte varaordførar May-Eva Sandvik kulturskulen som ei muleg redningsbøye for kyrkjebygginga. Sandvik peika på at kulturskulen i dag leigar lokale i Knarvik, og at ein ved å flytta dei inn som leigetakar i kyrkjekjellaren kan hjelpa finansieringa av bygget.

Før jul fekk plan- og prosjektgruppa melding om at kyrkja ville komma på 90 millionar. Etter dette har det vore jobba med å kutta kostnader ved å redusera ulike bygningstekniske kvalitetar, men framleis står ein millionsum att utan finansiering.

Kyrkjeprosjektet skal opp i formannskapet torsdag 26. januar, og så i kommunestyret 9. februar.
Etter møtet i kommunestyret er det berre nokre dagar att før svarfristen går ut på dei innkomne anboda.

Les heile saka i Strilen laurdag.