Trond Mohn betalar kunstgrasbana

Prosjektet vil samla sett truleg koma på vel 7 millionar kroner. NBK håpar banene kan stå klare til haustsesongen.
Tore Kvalvik og dei andre i NBK kunne jubla etter eit møte dei hadde med Trond Mohn om prosjektet for 14 dagar sidan. Dette skjedde dagen etter det nedslåande formannskapsmøtet i Lindås, der det vart klart at kommunen ikkje kunne gå inn for kunstgrasdekke på grusbana i Knarvik. Dette trass i at NBK meinte dei skulle klara å forskottera heile prosjektet sjølve.
Då NBK presenterte prosjektet for Trond Mohn, peika han også på arealet aust for grusbana, og sa han kunne betala for ei kunstgrasbane for sjuarfotball i tillegg, fortel Tore Kvalvik. Dermed vart resultatet av møtet endå betre enn dei kunne drøyma om. NBK har sjølv hatt planar om å utvida grusbana mot aust, men trudde nok ikkje at dette skulle skje no.
? Me har hatt møte med Lindås kommune og ordføraren, og dei er svært positive, fortel Kvalvik.
No må prosjektet gjennom ei enkel behandling i kommunen, det må hentast inn nye prisar på heile prosjektet og dei må få på plass ein entreprenør som skal gjera jobben. Det skal og gjerast mykje dugnadsarbeid. Men Knarvik og NBK kjem altså til å få ei kraftig forbetring av baneforholda sine. Klubben er no den 8. største i Hordaland, og har rundt 50 lag. Medlemsmassen er også aukande. Både A-laget og dei aldersbestemte laga har hatt vanskelege baneforhold dei siste åra. På grunn av dårleg ver har også Knarvik stadion vore stengt i deler av fjorårssesongen. Det har først til at NBK har måtta leiga bane på Fossemyra og på Osteriedet. No vil altså dei få alle heimekampane sine i Knarvik, og ikkje minst ? treningstilhøva vert kraftig forbetra.