Truleg lågare bussprisar

Både Kristeleg Folkeparti og Naturvernforbundet har gått inn for 40 prosent reduksjon i prisen på månadskort mellom Knarvik og Bergen når bompengane forsvinn på Nordhordlandsbrua like over nyttår. Samferdselsutvalet i fylket skulle ha saka oppe for ei veke sidan, men utsette saka til 7. desember.

? Det var eg som føreslo utsetjing fordi eg tykte fylkesrådmannen sitt framlegg var for lite offensivt, seier Lunde.

Han hadde føreslått å bruka 1,2 millionar kroner til dette, medan ein reduksjon på 40 prosent vil kosta om lag fire millionar kroner i året.

Prøveprosjekt

? Eg ønskjer at me set i gang eit prøveprosjekt med reduserte prisar på sambandet Bergen - Knarvik/Frekhaug for å sjå korleis det slår ut, seier Lunde.

Så kan ein bruka erfaringane derifrå når Askøybrua vert bomfri i slutten av 2006.

Fylkesutvalet gjekk denne veka inn for å bruka to millionar kroner til tiltak for å få fleire til å reisa kollektivt.

? Eg ser for meg at me brukar både desse to millionane og dei 1,2 millionane som fylkesrådmannen gjekk inn for, og gjerne litt til, så har me summen som trengst for å få ein reduksjon på 40 prosent, seier Lunde.

Ho fortel at ho har teke saka opp med samarbedispartnarane Høgre og Framstegspartiet og har god von om å få gjennomslag for ein reduksjon opp mot 40 prosent.

­

Stadig tettare

Det er dei som brukar månadskort som skal få reduksjonen, meiner Lunde. I dag kostar eit månadskort 1050 kroner, så 40 prosent vil utgjera om lag 400 kroner i månaden.

? Eg køyrer mellom Radøy og Bergen kvar dag og ser korleis trafikken på E 39 gjennom Åsane vert tettare og tettare, seier Lunde.

Ho meiner absolutt det er fornuftig å bruka pengar på å få fleire til å reisa kollektivt på denne strekninga, og ikkje minst hindra at fleire går over til privatbil når bompengane forsvinn.

Billegare ungdomsskort

Andreas Waage (16) frå Lindås tek buss frå Lindås til Bergen der han går på skule. Sidan han er ung, slepp han unna med ungdomskort til 350 kroner i månaden. Men han synest også det er dyrt for han. Turen til Bergen tek om lag ein time og 20 minutt kvar veg. Waage har tru på att fleire tek bussen dersom prisane vert reduserte.

? Men det må vera ein såpass skikkeleg reduksjon at det verkeleg lønar seg, seier han.

Waage tru og at han kjem til å ta bussen sjølv når han om eit par år kan ta førarkort på bil, dersom prisane på månadskort vert lågare og bensinprisane såpass høge som i dag.

I det forslaget til fylkesrådmannen, er det og forslag om å redusera prisen på ungdomskort med ti prosent frå 1. august.