Tusenårsstaden opna

Det dugde ikkje med ei vanleg nymotens saks då ein historisk tusenårsplass skulle opnast. Difor gjorde ordførar Ole Lysø gårsdagens høgtidelege handling med ein sigd.
Og snora var strekt mellom to andre velbrukte gjenstandar i kommunen: To hesjestaurar.
? Godt med folk hadde møtt fram, og eg håpar plassen vil verta mykje brukt, seier leiaren i tusenårsnemnda, Rolf Sandstad. Plassen kommunen har vald ut, ligg like ved det nye kommunehuset. Med seg i nemnda har Sandstad hatt ordføraren, Liv Ulvøy, Terje Aasen og Knut Risnes.
Blant dei inviterte gjestane var arkitektane Mette og Morten Molden og utsendingar frå handverkarar og firma som har hatt oppdrag med plassen.
Spesielt inviterte var alle born fødde i år 2000 og som dermed skal starta på skulen til hausten.
Prosjektet har fått ein prislapp på kring 700.000 kroner. Og om enkelte ting har kosta noko meir enn ein rekna med, så presiserer Sandstad at det er dekning for kostnaden.
? Så er det viktig å presisera at plassen også har fått sin eigen varde, sjølv om enkelte meiner ein varde ikkje bør vera så symmetrisk, seier Rolf Sandstad. Han viser til dei 20 granittsteinane som er lagt oppå kvarandre for å symbolisera alle hundreåra sidan Kristi fødsel. Denne varden, til kring 100.000 kroner, er det lokale bedrifter som har spandert.
? Og på toppen har me ein open kube. Den symboliserer framtida, som ingen kjenner. Den må me sjølv fylla, alle som bur i kommunen, seier Sandstad.
(Foto: Helge Dyrkolbotn)