TV-kjendis på tre minutt

? Då dei ringte i haustferien, hadde eg nesten gløymt at eg hadde meldt meg på, så eg vart skikkeleg dritglad då mamma fortalte det, seier Marius. Han fortel at først sa mamma at telefonen var frå nokon på jobben om noko ho måtte sjekka. Men dagen etter tilstod ho at det var NRK på Hamar som hadde ringt.
? Det ho eigentleg måtte sjekka var om me kunne reisa akkurat denne helga. Og det kunne me heldigvis, seier niåringen som er klar til å reisa kva tid som helst.

På direkten
For å rekkja frukosten med «Pysjpopbaluba-gjengen klokka halv åtte laurdag morgon, reiser familien til Hamar alt fredag etter skulen.
Og ein gong mellom klokka åtte og ti skal Marius på skjermen på direkten.
? Du er ikkje redd du skal forsova deg då?
? Det er jo nesten det verste som kan skje, men eg trur ikkje det skjer, seier han.
? Kva er det verste då?
? Det er om eg tabbar meg ut i konkurransen, seier han.
? Får du ikkje lov å øva?
? Jau, på korleis eg skal gjera ting, men eg får ikkje vita spørsmåla, seier Marius.

Tre spørsmål
Om konkurransen fortel han at han må svara på tre spørsmål. Det eine har med elektrisitet å gjera, det andre med søppel, gjenvinning og miljø, og det tredje er om fornybar energi.
? Eg har lese ein del på internett, så eg trur det skal gå bra, seier han med ein smånervøst smil.
Under konkurransen skal han sitja inne i ein slags satellitt. Og der i frå skal han styra ein fotograf som befinn seg ute i ei løype, og fortelja fotografen kva svaralternativ han skal velja. På den måten kjem han til slutt fram til premieskap der han får løn etter innsats. Det heile skal ikkje ta meir enn tre minutt.
? Trur du det er mogleg å verta kjendis på så kort tid?
? Ingen problem.
? Er det premien eller det å koma på TV som er viktigast?
? Å koma på TV sjølvsagt, smiler den modige niåringen frå Alverflaten.