Ulukke på Alverflaten

? Motorsyklisten kom frå sør, og skulle køyra forbi ein bil, då denne svinga av ned mot Ikenberget. Motorsyklisten kjørte dermed i sida på den svingande bilen, opplyser politiførstebetjent Harald Romarheim ved Lindås og Meland lensmannskontor.
Han fortel i 15.20-tida at motorsyklisten var bevisst, og vart behandla på staden. Brannvesenet var tilkalla for å rydda vegen.
Politiet fekk meldinga i dag klokka 14.59. På ulukkesstaden opplyste politiet til Strilen at mannen hadde vorte kasta av sykkelen og vart liggjande på vegskuldra. Det skal ikkje ha vore fleire bilar innblanda i ulukka.
Tilstanden til motorsyklisten er framleis ukjent, men han vart sendt til sjukehus med luftambulanse. Ifølgje politiet på staden, klaga han over vondt i ryggen. Det danna seg lange køar på begge sider av ulukkesstaden, men desse løyste seg opp rundt klokka 15.30.
Siste meldinga Helse Bergen har gått ut med, er datert torsdag 19. april kl. 17.30. Den rapporterer om at «Tilstanden til 49-åringen er alvorleg, men stabil. Skadetype: Kvestingar», og vidare at mannen fekk intensiv behandling.