Urhaug tok sitt andre gull

Saman med Rolf Erik Paulsen vart Tommy Urhaug verdsmeister for lag i Montreux i Sveits søndag. Dei vann finalen mot Taiwan 3-1.
Urhaug vann sin singelkamp 3-0. Også Paulsen vann sin kamp med same siffer. I doublekampen vart det tap, men Rolf Erik Paulsen ordna siger også i den siste kampen.

Andre gull
Dette var Tommy Urhaug sin andre gullmedalje i meisterskapen. Han vann også gull i opne klasse og tok bronse i klasse 5. Dermed vart han den mestvinnande spelaren i meisterskapen, i alle fall på herresida.

Olympiatoppen
Under finalen var folk frå Olympiatoppen til stades, og innsatsen skulle vera ein god søknad om midlar derifrå til OL i Beijing om to år.
Urhaug og Paulsen utgjorde laget også førre gong Noreg vann lag-VM.
Til finalen kom dei ved å slå Tyskland 3-1 i gruppefinalen. Deretter slo dei regjerande OL-meister Korea 3-0 i semifinalen.
Urhaug kjem tilbake til Noreg i dag, måndag.