Usemje om mottak av nye flyktningar

Rådmannen meiner Lindås må ordna med tre-fire bustader og ta imot inntil 15 personar neste år. I talet bør vera inkludert eventuelle familiegjenforeningar.
Vidare vil rådmannen ha i gang eit prosjekt for arbeidstrening og varig tilrettelagte arbeidsplassar. Det må også gje tilbod til dei som har vanskar på arbeidsmarknaden.
Tre i levekårsutvalet støttar rådmannen. Det er Magne Frammarsvik og Leidulv Brunborg (Ap), pluss Kjell Ove Østerbø (Frp). Tre støttar rådmannen men meiner gjenforeiningar må koma i tillegg - Tore Svendsen (SV), Berit J.D. Øgaard (KrF) og Gunnar Angelskår (KrF). Den siste tredjeparten seier nei til å ta imot flyktningar neste år - Kjersti Wiik (Sp), May Eva Sandvik (H) og Nina Stabell Øvreås (Frp). Dei tre vil at mottak av flyktningar for 2008 skal vurderast på nytt i løpet av 2007. Men også desse politikarane vil ha i gang eit prosjekt for arbeidstrening.