Utan straum i timevis

Tusenvis av kundar var i natt og dag tidleg utan straum i Nordhordland. Men dei fleste fekk straumen att på morgonkvisten.
? Det var ein stasjon som vart øydelagd på Seim som er grunnen til det lange straumbrotet, forklarar informasjonssjef Juliet Balogobin i BKK til Strilen.
Mange miste straumen ved eittida natt til i dag. Abonnentane i Knarvik fekk straumen att frå halvåttetida og framover, i Alversund kom ikkje straumen att før kvart på ni og Ostereidet endå seinare.
? Våre folk har jobba for fullt heile natta, men når ein stor stasjon som Seim fell ut, tek det tid å laga alternative nettløysingar, seier Balgobin.
Framleis er ein del kundar utan straum. Det gjeld også på Radøy.
Veret i det siste har vore ekstremt med fleire stormar på rad. Det har gjort at BKK sine folk har vore ute i felten fleire døger i strekk.
Viss folk ser nedfalne kraftliner eller tre som ligg over straumnettet, må dei gjerne kontakta BKK, seier Balgobin.