Utfor vegen ved Åse

Ulukka skjedde då dei to like før klokka 17 kom kjørande nordover frå Knarvik.

Bilføraren forklarte til politiet at han fekk høgre framhjulet utfor vegkanten og prøvde å retta bilen oppatt.

Men då var hjulet kome i kontakt med det våte graset og det hjelpte verken å svinga eller bremsa. Dermed fortsette ferda framover 30-40 meter nedover jordet.

På vegen kjørte bilen over eit kumlokk og tok med seg eit skilt, så bilen fekk skikkeleg juling på undersida.

Mannen og jenta vart raskt tekne hand om av folk som kom til, og etter alt å døma gjekk det bra med dei.

Mannen klaga over litt smerter i ryggen og skulle kjørast til legevakta for sjekk.

Jenta var naturlegvis ganske skremt av det som skjedde. Men etter det Strilen kjenner til, skal ho ikkje vera skadd.

Det er 80-sone på staden.