Vatnet på veg tilbake på Manger

Måndag var situasjonen ved legekontoret slik at ein ikkje lenger kunne ta mot pasientar lenger. Kring ti pasientar måtte få melding om at dei ikkje kunne sleppa til.
? Me det var ikkje snakk om noko helsefare. Turnusdlegen vår vart sendt til knarvik, slik at pasientar frå Radøy som trong akutthjelp, var sikra det ved legevakta der, seier Bente Bø Taule.
Ved omsorgsbustadene på Manger var Agnes Sæbø (91) og sjukepleiar Liv Renate Tømmerbakke blant dei som gledde seg over at situasjonen var i ferd med å normalisera seg tysdag føremiddag. Like før kl. 11 var det god trykk på vatnet som kom frå springen i kjøkkenkroken hjå Agnes.
? Frå søndag kveld og heile måndag har det vore vanskeleg med både oppvask, klesvask og toaletta har mangla vatn, seier Tømmerbakke. Tysdag rekna ho med at det vart travelt utover dagen for å ta att både oppvask, klesvask og hjelpa dei som ønskte å få seg ein dusj.
? Ved 15.00-tida i dag trur eg dei fleste må ha fått tilbake vatnet med normalt trykk, seier Jan Magnus Drivenes, røyrleggjar og tilsett ved teknisk etat i Radøy kommune. Då Strilen var på pletten like etter kl. 11.00, var Drivenes og kollega Trond Thomassen i full sving med å få skikk på vassleidningsbrotet på Solend, i ei grøft full av vatn. Drivenes viste fram brotet på den 8 toms leidninga som var lagt i 1972.
? Hadde kommunen tatt seg råd til å å leggja singel rundt leidninga, kunne dette og andre brot kanskje vore unngått, var Drivenes sitt tips. Forbi brotstaden låg det kring 450 meter med kriseleidning utlånt av Sivilforsvaret.