Venstre-pris til ubåtdamer

? Me er stolte av dykk, og de fortener prisen så inderleg vel, sa fylkesleiar Sølvi M. Mangerøy då ho delte ut Hordaland Venstre sin miljøpris til Marie Karlsen og Reidun Moldøen frå «Folkeaksjonen hev U-864» i Bergen Rådhus tysdag.
? De har skapt eit engasjement på grasrotnivå som har påverka både Stortinget og regjeringa, sa Mangerøy vidare.
Ho meinte aksjonen for å få bort kvikksølvet i ubåtvraket utanfor Fedje er noko som har breid støtte hos folk langt utanfor den kommunen.

Ikkje over
Sjølv om regjeringa no har sett i verk ei ny utgreiing av om det kan la seg gjera å heva ubåten i staden for å dekka han til, understreka Mangerøy at kampen ikkje er over. Ho forsikra at Venstre si stortingsgruppe vil gjera sitt for å følgja opp saka til kvikksølvet er fjerna.
Prisen vart passande nok delt ut på Verdas miljøverndag.

Takka
? Me er svært akksame for å få prisen, som kan vera med på å setja fokus på saka, sa Marie Karlsen etter overrekkinga.
Ho peika på at kysten representerer store verdiar, og at det ligg 65 tonn kvikksølv mitt i dette matfatet, kan ein ikkje godta. Ho ser med forventing fram til den nye utgreiinga og håpar den skal resultera i at kvikksølvet vert fjerna.