Vert «offisielt» ansikt

Radøyjenta deltok tysdag i finalen i modellkonkurransen «Årets ansikt», men nådde ikkje heilt til topps. Likevel har 17-åringen fått mykje ut av Oslo-turen. I tillegg til å ha eitt av dei finaste ansikta i Noreg, skal ho no vera frontfigur for det store make-up-merket Max Factor.

Reklamefilm
Det er lesarane av magasinet «Det Nye» som har stemt fram Mellingen. No ventar mange spennande modelloppdrag den unge jenta frå Bøvågen.
? Dette er kjempegøy! Eg får sikkert vera med på ein del reklame for sminke, kanskje ein reklamefilm og, seier Mellingen, litt sliten og veldig glad.
Og Mellingen er klar for å jobba vidare som modell, men ho vil og fullføra allmennfag i Knarvik.
? Så får eg sjå kva muligheiter eg har når eg er ferdig, seier ho.

Ikkje «Årets ansikt»
Då Strilen snakka med Mellingen før kåringa av «Årets ansikt» tysdag, var ho litt smånervøs, og ganske ivrig.
? Eg er nok litt spent og nervøs. Men eg har jo vore med på ein del konkurranser før, så eg veit heldigvis kva det går i, fortalte Ida Camilla Mellingen
For å vinna tittelen «Årets ansikt» måtte deltakarane mellom anna gjennom ein interjurunde på engelsk med juryen. Jentene vart teke mange bilete av, og dei øvde på å visa klede.
? Me har og fått vera på spa, det var skikkeleg herleg, seier 17-åringen.  
I sjølve finalen vart det vist klede frå ulike designarar, før nyheita alle dei spente jentene hadde venta på, vart avslørt.
? Eg er på ingen måte skuffa over å ikkje vinna den konkurransen. Det finst mange fleire måtar å koma vidare på, seier ho.
Og som Max Factor-modell har ho eit godt utgangspunkt for vidare modelljobbing.