Vigde veslesøstera på nyttårsaftan

? Han klarte seg veldig godt. Etterpå sa han at han vart veldig rørt, men det kom ingen tårer! seier «veslesøstera» Anne Marit, no gift med Vidar Gjelsten (30) frå Ålesund.

At det var broren som skulle vera prest under bryllaupet, var den to år yngre søstera ikkje i tvil om. At broren også er kamerat med mannen hennar, gjorde valet endå enklare.

? Bror min held ein fin og personleg tale. Mannen min er sjømann, og Hans Kenneth let talen ta utgangspunkt i roret på ein båt, seier Anne Marit.

Av broren har ho fått melding om at han hadde lagt alt han hadde av kreativitet i talen.

? Han sette nok veldig stor pris på å verta spurd om å via oss, seier Anne Marit Sundsbø. Og broren legg ikkje skjul på at han likte jobben.

? Det var spennande og ?. kva skal eg seia? stort å få vera prest for veslesøstera. Brått hadde ho vorte vaksen! Eg angrar ikkje på at eg sa ja til å via paret. Det var veldig personleg.

Då er det vel lett å tippa at dette er ei av kring 20 vigsler den utflytte presten vil hugsa best. Det var bra med folk under seremonien i kyrkja, og sjølve bryllaupet vart halde på Lindås Bryggje. Innan familien kunne brura også ha funne ein onkel og sokneprest til å ta jobben, men han fekk fri denne kvelden.

Hans Kenneth Sundsbø vart innsett i Alversund-kyrkja for knapt fire år sidan. Etter det har han vore garnisonsprest eit par år i Sør-Varanger og prest i halvtanna år i Ålesund, der han er etablert og busett.

Det same er søstera og ektemannen hennar.