Vil gje tvangsmulkt for ulovleg utsprenging

? Me vurderer dette som eit grovt tilfelle, og saka vart før jul anmeldt av rådmannen, opplyser kommunalsjef Jens H. Bjordal til Strilen.
Bjordal viser til at plan-utvalet har sagt klart nei til tiltak i strandsona der utsprenginga har skjedd. Hytteeigaren fekk løyve til å laga eit naust ein annan stad. Men det er ikkje på denne staden utsprenginga har skjedd.
? Utsprenginga er gjort like ved Vikebø kai, og er svært synleg. Når dette først har skjedd, kan terrenget ikkje tilbakeførast slik det har vore. Difor har me bede om ein plan frå hytteigaren om korleis oppryddiga best kan utførast. Så langt har me ikkje fått nokon slik plan, seier Bjordal.

Hytteigaren var beden om å levera søknad om opprydding og tilbakeføring innan 15. januar. Oppryddinga skal starta straks kommunen har gjeve godkjenning og vera utført innan ein månad seinare. Sist frist for opprydding er sett til 1. april.
Bjordal seier at det - heldigvis - er sjeldan kommunen må gå ut med trussel om tvangsmulkt.
? Frå vår side reagerer me på det me føler er forskjellsbehandling frå kommunen si side. Andre i området har fått leggja ut flytebryggje, men me har fått nei. Me svarer kommunen via advokat med framlegg til korleis  ei utbygging kan skje på ein fin måte, seier hyteeigaren i ein kommentar til Strilen.