Vil ha meir asfalt

Representantar frå vegvesenet var på slutten av fjoråret på Radøy for å møta kommunen sine folk, og då var asfaltering eitt av fleire emne som vart diskutert.

? Dei var klar over at fleire av fylkesvegane på Radøy har dårleg dekke, og skulle sjå på kva dei kunne innarbeida i sine planar, seier Olav Steinar Namtvedt.

Kommunen har sendt ei liste til vegvesenet over kva strekningar som bør prioriterast, og høgast prioritet har vegen mellom Helland og Sletta fått, med merknad om at denne vegen er i særs dårleg forfatning. Heile lista ser slik ut: 1. Helland-Sletta, 2. Ystebø-Valdersnes, 3. Soltveit-kryss Nordanger, 4. Manger-Toska, 5. Hella-Helland-Manger og 6. Lunde-Sæbø-Storheimstø.

På same møte tok ordføraren opp brøyting og strøing. Etter dagens ordning er det vegen til Manger over Solendfjellet som har høgast prioritet, Namtvedt meiner at også vegen via Kartveit bør få status som «svart veg».