Vil ha veg frå Rv57 til Radøy

Innspelet frå Lindås Ap er eitt av mange som for tida vert vurdert både administrativt og etter kvart politisk i Lindås. Planutvalet i kommunen har hatt ein gjennomgang av kommunedelplanen både i eit arbeidsmøte og i eit ordinært møte i dag onsdag, men endeleg behandling og tilråding kjem i slutten av august, med sikte på behandling i det sitjande kommunestyret i september.
Ei løysing med ny veg frå Tredalsegga mot Radøy nord for Årsholmen i Radøysundet, vil gje det Ap kallar ein «hensiktsmessig forbinndelse» mellom moglege industriområde ved Espeland og på Vetås. I tillegg vil ein styra gjennomgangstrafikk utanom tett befolka område blant anna i Alversund, meiner Lindås Ap.
Dersom eit slikt vegalternativ ikkje kan la seg gjennomføra, vil Lindås Ap gå inn for alternativet med tunnel under sjøen ved Oksebåsen, sør for dagens Alversundbru.