Vil ikkje betala full snøggbåtbillett

Selskapet BNR vil starta snøggbåtrute mellom Bergen og Frekhaug/Knarvik frå 5. desember.

Dei ønskjer å koma inn på ei ordning med fylkeskommunen, slik at dei får fast godtgjersle for kvar reisande, på linje med bussane. Dette for å kunna konkurrera nokon lunde på lik linje med bussane når det gjeld pris.

Men fylkesrådmannen vil ikkje gå inn for dette. Han viser til at i BNR sin konsesjon står det at dette skal vera ei rute som skal drivast på kommersiell basis.

Avtale Fylkesrådmannen avviser ikkje at ein kan inngå avtale med BNR, slik at folk kan bruka Skysskortet sitt også på båten. For å få dette til må BNR installera eit billettsystem i båten der Skysskortet kan brukast.

Det må og inngåast ein avtale om takstsamarbeid mellom BNR og Skyss, som fastset korleis inntektsfordelinga mellom buss og båt skal vera viss reisande skiftevis brukar kortet på buss og båt.

Ein slik avtale må sikra at fylkeskommunen ikkje taper billettinntekter ved felles bruk av Skysskort, skriv fylkesrådmannen i si utgreiing til samferdselsutvalet, som skal ha saka oppe onsdag 23. november.

Les meir i Strilen si papiravis tysdag.