Vil også utbetra Grønålen

? For Radøy/Manger Fotballklubb har kunstgras på bana i Austmarka førsteprioritet. Men utgangspunktet er også å skaffa midlar til å opprusta bana i Grønålen, seier Taule.
I Radøy er det klubbane, ikkje kommunen, som eig og har bygd ut alle baneanlegga så langt. Radøy/Manger i gang med å få utarbeidd planar for opprusting av Grønålen frå ein arkitekt. Morgan Taule viser til at banekapasiteten i søre delen av Radøy i dag er sprengt.

Dårleg grunn
I eit brev til kommunen vert det peika på at bana i dag ikkje dekkjer dagens behov for banekapasitet. I tillegg har det vist seg at grunntilhøva er for dårlege, slik at overvatn/regn vert liggjande på bana. Dette er eit stort problem spesielt på hausten.
Når Radøy/Manger vil utvikla Grønålen til ein idrettspark, er ønskjet å få til ei sjuarbane og ein ballbinge i tillegg til eksisterande bane, som har kunstgras.
? Me har invitert kommunen med på eit spleiselag for å få fram skikkelege planar. Så langt har me fått ei positiv muntleg tilbakemelding. Me håpar kommunen går inn med kring 10.000 kroner for å få fram planar. Styret i Manger IL har alt sagt ja til sin del, opplyser Taule.

Også klubbhus
Med i planane for Grønålen er også eit klubbhus.
? Her er det også råd å få inn spelemidlar, og tomta er klar. Dersom kommunen går inn som langsiktig leigetakar, kan dette bygget også få lokale for ungdomsklubb, som kommunen er i desperat mangel på. Med ein avtale med kommunen, kan me starta opp med dette bygget på dugnad, seier Taule.
Målet er å gjera Grønålen til ei «gåve» til Manger sentrum og innbyggjarane. «Dersom - og når - vårt anlegg står ferdig, vil det verta eit anlegg som kommunen vil kunna vera stolt over i mange år framover», heiter det i brevet til kommunen.
? Siktemålet er å få utbygd både Austmarka og Grønålen parallelt, seier Taule. Førebels har ein oversikt over at kunstgras i Austmarka vil koma på kring sju millionar kroner. Banesituasjonen og planstatus vil verta informert om på Radøy/Manger sitt årsmøte førstkomande måndag.