Vil sikra og flytta hytter

I februar i fjor gjekk det eit stort snøskred i Stordalen som nesten øydela ei nybygd hytte. Hytta vart trykt skeiv og delvis fylt med snø.

I fjor sommar var geologar frå Sunnfjord Geo Senter på plass for å undersøkja området og koma med råd om kva som bør gjerast. Deira konklusjon er følgjande:

Hytta som vart skadd, bør sikrast med snøskjermar, skredvoll eller tilsvarande, men må ikkje rivast.

Seks hyttetomter som ligg på høgde med den bygde hytta, er anbefalt flytta i feltet før eventuell utbygging. Dette fordi tomtene ligg i ytterkant av ei teoretisk utslagssone for eit eventuelt snøskred.

Det enklaste er difor at tomtene vert flytte. Ventar Hytta som vart delvis øydelagd, er retta opp att og avstiva, men elles er ikkje hytta sett i stand.

– Me avventar at forsikringsselskapet skal koma med framlegg til korleis området skal sikrast. Før det er på plass, kan me ikkje reparera hytta og ta ho i bruk igjen, seier hytteigar Ole Klyve Olsen til Strilen.

Les meir i Strilen si papiravis laurdag.