Vil ta vare på ein av dei siste fossane

Norsk Vannkraft AS saman med ein lokal grunneigar har søkt om konsesjon for å byggja eit kraftverk i Kvernhuselva i indre Haugsdal. Utbyggingsplanane er møtte med skepsis hos andre grunneigarar i bygda, og i planvalet før helga vart også tommelen vend ned. Utvalet vedtak at ein går mot å gje konsesjon for ei slik utbygging, i alle fall no.

Siste foss
Planutvalet meiner og at utbyggingsplanane i Kvernhuselva er så store at dei må behandlast som del av ein kommuneplan. Då denne planen nyleg vart rullert, kom det ingen innspel om at det var nokon som planla utbygging i denne elva, i motsetnad til i Blådalselva på Kvingo. Denne utbygginga vert teken inn i planen.
Det vert også lagt vekt på at denne elva og fossen der, er ein av dei siste  som ikkje er berørt av kraftutbygging i kommunen.

Vektlagt
Det er Noregs vassdrags- og energidirektorat (NVE) som avgjer konsesjonssøknader. Når Strilen spør om lokale uttalar vert vektlagt når ein avgjer om ein skal gje konsesjon eller ikkje, svarar seniorrådgjevar Ivar Sægrov i NVE:
? Det er klart at uttalar frå politiske organ i kommunane vert vektlagde, i alle fall viss dei er saklege og balanserte.
Det planlagde kraftverket skal produsera om lag 13 GWh i året. Det er om lag det doble av elvekraftverket som alt er i drift på Kjetland.