Vill køyring andre pinsedag.

To motorsyklistar køyrde andre pinsedag i 164 km/t oppover i Masfjordtunnelen. Begge førarane, som er 50 og 40 år, kjem frå bergenskanten. I tillegg til å missa førarkortet  må dei rekna med ubetinga fengselsstraff.
? Helst vil me ikkje oppgje nøyaktig fart i slike tilfelle, for me har erfaring for at då er det andre som vil køyra endå fortare, seier Leon Nordanger, distriktssjef i Utrykningspolitiet (UP) i Hordaland til Strilen.
Kontrollen var om ettermiddagen måndag.

Også Eikefettunnelen
Ein bilførar fekk også inndrege førarkortet i Masfjordtunnelen. Han køyde i 117 km/t.
UP hadde kontroll i Eikefettunnelen same dagen. Der køyrde ein 24 år gammal nordhordlending i 124 km/t, og dermed vart han også utan førarkort, og vil verta bøtlagd.
? Alle kontrollane var såkalla skjulte kontrollar, slik at reisande ikkje kunne sjå at det var kontroll, seier Nordanger.
UP hadde kontrollar på fleire av dei viktigaste innfartsvegane til Bergen andre pinsedag.