Gode resultat i NM i sjakk

Arrangementet gjekk i år i Oslo i fine lokale på eit hotell på Kolbotn, det vart spelt 7 parti over 3 dagar i sju ulike årsklassar - der A er eldste klasse.

Spelarane frå Masfjorden SKU gjorde begge gode resultat. Kjetil tapte berre det siste partiet, då sat han på førstebord og spelte om NM-tittelen. Motstandaren i denne runden var ein langt høgare rangert spelar (kan samanliknast med tre divisjonar i fotball), og når Kjetil ikkje fann dei beste trekka i midtspelet utnytta motspelaren dette korrekt. I tillegg var Kjetil maksimalt uheldig når kvalitetsberekninga vart gjort og mista bronseplassen med minst mogleg margin.

Med ein flott og sterk femteplass med 5 av 7 poeng, viste han at det gode resultatet frå NM i sommar ikkje var eit blaff, og at han no er i ferd med å stabilisera seg på topp 5 i Noreg i sin årsklasse.

Sigve tapte óg berre eit parti i turneringa, og slo fleire høgare rangerte spelarar i turneringa. Dette heldt til slutt til ein sterk sjuandeplass, med 4.5 av 7 poeng, og ein solid ratingframgang på omlag 150 poeng.

Det deltok 34 spelarar i klasse B (1995-96) og 38 i C (1997-98).