Skyttarlaget har under opparbeiding eit nytt anlegg i Stokkedalen ved Haukåsen på Radøy.
Til arrangementet 2. pinsedag vil skyttarlaget ta i bruk standplassen på 100 meter, som er ferdig i halv breidde.
Standplassen er klar for skyting på fem elektroniske skiver. Planen er at det neste år skal vera ferdig standplass med ti elektroniske skiver.
Skytingens dag er eit arrangement som er ope for alle. Vil du prøva deg med kaliber ´22 er det mogleg å låna våpen, og skyta gratis.
Skytingens dag vert arrangert av Radøy Skyttarlag i samarbeid med Nordhordland Jakt- og Fiskelag, og Nordhordland Pistolbruk.
Radøy Skyttarlag har elles innandørs skyting i Radøyhallen kvar tysdag og torsdag.