Kvernbit berga likevel plassen

No etter påmeldingsfristen har det vist seg at fleire lag ikkje er med vidare frå 2011-sesongen, og klubben frå Frekhaug fekk spørsmål om dei ville spela i 5. divisjon også i 2012. Der kjem dei i avdeling med mellom andre Inter Bergen og Ny-Krohnborg.

Klubbane som ikkje ville vera med trass i at dei hadde plass, er Nest Sotra 2, Laksevåg 2 og Fyllingsdalen 4 (tidlegare Fyllingen 2). Kretsen har spurt fleire nedrykksklubbar frå 2011-sesongen om dei ville spela vidare i 5. divisjon, og av disse har Apollo, Fusa og Kvernbit takka ja.

Ein plass i 5. divisjon er gjort ledig etter at Gneist, som eigentleg rykka ned frå 4. divisjon, likevel fekk ha plassen. Vidare har HFK svara ja på ein søknad frå Halsnøy om retur til Hordaland, etter spel i seriane til Rogaland Fotballkrets.

I alt er det 36 lag i dei tre avdelingane i 5. divisjon i Hordaland i 2012.